Bale, eja në Real

Mesfushori kroat i Real Madridit, Luka Modric, ka ftuar ish bashkëlojtarin e tij, Gareth Bale, që ta lë Tottenhamin dhe të kalojë në klubin mbretëror.

“Reali është klub ideal për te. Ai këtu do t’i realizojë të gjitha ëndërrat. Unë e shoh Cristiano Ronaldo si luan dhe si i kalon mbrojtësit kundërshtar, nëse në krahun tjetër do ta kishim edhe Gareth Bale-in, atëherë do të bëheshim me mesfushë më të mirë në botë dhe të pandalshëm,” ka thënë kroati 27 vjeçar, njofton sot The Sun.

Luka Modric, kaloi këtë stinor nga Tottenhami në Real Madrid për 33 milionë funta. Ndërsa Reali është aktualisht në vendin e tretë të tabelës dhe po e ndjek Barcelonën, në vendin e parë që ka 11 pikë më shumë.