Baraz në “Liman Gega”, pikët ndahen

Me barazim 1-1 është përmbyllur përballja e luajtur sot mes Malishevës vendase dhe Gjilanit mysafir në “Liman Gega” të Malishevës.

Pjesa e parë e ndeshjes u mbyll pa gola, ndërkohë që të dy golat e takimit u shënuan në pjesën e dytë.

TABELA AKTUALE

I pari që e gjeti rrjetën në këtë duel ishte Marc Yoan Olivier i Malishevës, që shënoi për 1-0 në minutën e 67’.

Gjashtë minuta më vonë, mysafirët nga Anamorava barazuan përmes Gerhard Prognit, i cili realizoi nga pika e bardhë.

Në minutat e mbetura, më gola nuk pati dhe kështua skuadrat u detyruan të pajtohen me nga një pikë.

Me këtë pikë të fituar, Malisheva ngjitet në kuotën e 12 pikëve, kurse Gjilani ka 1 më tepër.