LLAPI - ULPIANA
Barazim në Merdare, Ulpiana merr pikë kundër Llapit
21 August, 2021 @19:22
Pas triumfit në Superkupë pak ditë më parë, skuadra e Llapit është ndalur nga Ulpiana në ndeshjen e parë të sezonit të ri në Superligë.
Ndeshja e luajtur në Merdare përfundoi 1-1 (Alef Firmino 86’ / Argjend Mustafa 83’), rezultat i cili bën që Ulpiana në Superligë të nis me barazim.
Pjesa e parë mes skuadrave u mbyll pa gola, kurse dramatik ishte 10-minutëshi i fundit i ndeshjes.
Fillimisht Argjend Mustafa i Ulpianës shënoi për 0-1 në minutën e 83’, por Llapi nuk u dorëzua. Skuadra e Batatinës luftoi deri në fund dhe e gjeti golin e barazimit përmes Alef Firminos në minutën e 86’. Kështu, skuadrat u detyruan të pajtohen me nga një pikë.
Në xhiron e dytë të Superligës, Llapi është mysafir i Dritës, kurse Ulpiana e pret Malishevën.
