Basha njeh mirë Venturën, tregon fshehtësitë e tij

Mesfushori i kombëtares shqiptare, Migjen Basha, në konferencën e rregullt për shtyp të Shqipërisë para ndeshjes ndaj Italisë ka bërë të ditur se e njeh shumë mirë Giampiero Venturën, trajnerin e Italisë.

“Kemi punuar bashkë me të në Torino. Nga ai kam mësuar shumë unë, Matteo Darmian, Ciro Immobile dhe lojtarë tjerë. Më ka ndihmuar shumë në karrierë, për çka edhe e falenderoj,” ka thënë fillimisht Basha.

TABELA AKTUALE E GRUPEVE DREJT RUSISË

Më pas ai ka treguar edhe fshehtësitë e tij taktike.

“Ventura ka qejf ta sulmojë rivalin. Mbetet të shihet me çfarë formacioni do të dalë në fushë, mirëpo ai e preferon 4-4-2, ose edhe një formacion që mund të bëj 3 sulmues,” ka treguar Basha.

Gjithashtu, mesfushori i Barit në Serie B ka thënë se shpreson që të vinë sa më shumë tifozë shqiptarë në këtë ndeshje, derisa ka bërë të ditur se po të ishte loja në Milano ose Torino, është bindur që do të dominonin shqiptarët në stadium.