Benzema afron Realin te ‘La Decima’

Një gol i shpejtë i Karim Bezemasë ka përcaktuar fatin e ndeshjes së parë gjysmëfinale të Ligës së Kampionëve sonte. 

Pas një pasimi të Cristiano Ronaldos, që u rikthyer në lojë për herë të parë pas lëndimit, gjeti Fabio Coentraon që me milimetra pasoi te françezi, i lënë anash nga mbrojtja për të shënuar golin e parë, që doli të jetë edhe vendimtar në fitoren e ekipit të Carlo Ancelottit. 

Bayern, që po tenton finalen e dytë me radhë, ka pasur rastet e veta, derisa më të mirën kah fundi i ndeshjes ua ka mohuar, si një super portier Iker Casillas, duke mbrojtur refleksivisht shutin e Mario Gotzes nga afërsia. 

Benzema, që doli të jetë njeriu i ndeshjes ka shënuar golin e pestë të tij këtë stinor në Ligë të Kampionëve dhe gjithnjë e më shumë po vërteton cilësitë e tij të një sulmuesi instiktiv, derisa drejtuesit madrilen kërkojnë ndërrimin e tij në fund të stinorit! 

Finalisti nga kjo përballje do të përcaktohet pas ndeshjes së kthimit që do të zhvillohet në Allianz Arena, javën që vjen.