VIDEO
Berisha i shënon edhe Zenitit
27 October, 2016 @18:39
Po vazhdon forma e mirë e Bernard Berishës te skuadra ruse, Anzhi Makhachkala.
Futbollisti i përfaqësueses së Kosovës sot ka shënuar në ndeshjen kundër Zenitit, e cila përfundoi me fitoren e thellë të skuadrës së Berishës, 4-0.
Berisha shënoi golin e katërt të skuadrës në minutën 79’ të ndeshjes, e cila u zhvillua në kuadër të Kupës së Rusisë.
Me këtë rezultat, Anzhi siguroi kualifikimin në çerekfinale, ku do të takohet me skuadrën Ufa, e cila e eliminoi skuadrën e Bekim Balajt dhe Odise Roshit nga Kupa.
Vlen të përmendet se Berisha kishte shënuar edhe në ndeshjen e kaluar kundër skuadrës Tomsk në ligë.
