Besa barazon në miqësore

Skuadra e Besës po i vazhdon përgatitjet e saj para stinorit pranveror në Antalya të Turqisë.

Sot në ndeshjen e tretë përgatitore, ekipi pejan ka barazuar me rezultat 1-1 me skuadrën nga Kazakistani, Akzhayik.

Golin për Besën dhe njëkohësisht golin e barazimit e shënoi Krenar Vokshi në minutën e 80’. 

Akzhayik është njëra prej skuadrave të forta nga liga elite e Kazakistanit, ndërsa stinorin e kaluar kishte përfunduar në vendin e tetë të ligës kazake.

Besa para kësaj ndeshje kishte shënuar fitore të bujshme kundër skuadrës së përzier të Shakhtar Donetskut, derisa më parë ishte mposhtur 2-0 nga skuadra ruse Yenisey Krasnoyarsk.