Besa mposht Shakhtarin!

Besa e Pejës ka arritur një fitore shumë domethënëse sot. Ata në fazën përgatitore në Antalya të Turqisë, kanë mposhtur ekipin shumë të njohur, Shakhtar Donetsk. 

Pejanët kanë arritur të fitojnë me rezultat 2-1. Duhet theksuar se ukrainasit kanë luajtur me një ekip të përzier dhe kanë eksperimentuar, mirëpo kjo nuk i ka bërë përshtypje pejanëve të përforcuar dhe të entuziazmuar duke arritur fitore që duhet mbajtur në mend. 

Golashënues i dyfishtë për Besën ka qenë Jusuf Sabotic. Pejanët ditë më parë janë mposhtur nga ekipi rus Yenisey Krasnoyarsk 2-0.