Bastos shpëton Schalken

Schalke ka qenë dy herë në disavantazh sot ndaj Mainzit, por ka arritur të barazojë dy herë në saje të krah mesfushorit brazilian të ardhur nga Lyoni, Michel Bastos. 

Djelmoshat e Jens Keller që në mesjavë luajnë në Ligën e Kampionëve ndaj Galatasarayit, kanë arritur vetëm barazim. Ndërsa trajneri Keller ka pushuar një numër të madh të lojtarëve kyq në ndeshje. 

Mbretërit e kaltër me këtë barazim kanë vazhduar formën jo të mirë, duke kaluar përkohësisht në vendin e tetë të Bundesligës. 

Xhaka 82 minuta

Granit Xhaka është paraqitur në formacionin bazë të Borussia Monchengladbachut, pas shumë kohësh. Ai ka qenë në fushë deri në minutën e 82-të, kur është zëvendësuar nga sulmuesi holandez, Luuk de Jong. Ekipi i Xhakës u mposht nga Hamburgu, për të cilët shënoi Rafael Van der Vaart. 

Mavraj e Azemi, të pafat

Klubi i shqiptarëve, Greuter Furth, gjithashtu ka pësuar humbje. Mërgim Mavraj ka startuar ndeshjen me gjelbër-bardhët dhe është zëvendësuar në minutën e 67, pasi që pesë minuta më parë ishte ndëshkuar me karton të verdhë. Sulmuesi Ilir Azemi, është futur në lojë në 5 minutëshin e fundit të takimit, me shpresë se po barazojnë, por Greuter Furth ka pësuar 1-0. Furth gjendet në pozitën e fundit të Bundesligës me 12 pikë nga 22 ndeshje. 

BUNDESLIGA, SOT: