GJILANI-BESA
Besa mposht Gjilanin me Shabanin
19 March, 2017 @15:51
Goli i Xhevdet Shabanit, ia ka siguruar tri pikë të arta Besës, e cila ka shënuar fitore si mysafire në përballje me Gjilanin.
Pejanët “e harruan” humbjen e fundit ndaj Trepçës ‘89, duke e mposhtur Gjilanin e Arbnor Morinës me rezultat minimal 1-0.
Besa pati dominim sidomos në pjesën e dytë, ndërsa loja e mirë e saj u shpërblye në minutën 85’ me golin e Xhevdet Shabani.
Ndeshja do të mund të përfundonte shumë lehtë me rezultat të barabartë, por në minutat e fundit Gjilani shpërdoroi një rast ideal shënimi.
Me këtë fitore Besa i është afruar edhe më shumë pjesës së epërme të tabelës, ndërsa Gjilani vazhdon ta ruaj vendin e tij në mesin e tabelës.
