Biletat në shitje, Kosova luan nesër

Federata e Basketbollit e Kosovës (FBK) njofton të gjithe opinionin sportdashës se biletat e ndeshjeve kualifikuese të Përfaqësueses së Kosovës për Eurobasket 2017 mund të blehen në pikat e shitjes në Prishtinë (Che Bar te Kafet e Vogla, Sports Bar President në Marigona Residence), në Prizren (Caffe Barcode në Shatërvan) dhe në Mitrovicë (zyrat e Kompanisë Umbrella përballë postës dhe në Bar Code).

Ndërkaq biletat ditore të shtunën në ditën e ndeshjes kundër Ukrainës do të shiten për çmimin prej 10 euro.
FBK fton të gjithë sportdashësit që të shtunën të jenë në palestrën “Minatori” në Mitrovicë në përkrahje të Kombëtares së Kosovës, e cila ka nevojë për mbështetje më shumë se kurrë.

Tifozët janë lojtari ynë i gjashtë në fushë dhe pa ta nuk mund t’ja dalim, andaj Përfaqësuesja ka nevojë për përkrahjen e tifozëve të saj që në numër sa me të madh të jenë së pari të shtunën në palestër dhe më pas edhe në ndeshjet tjera kualifikuese.

Pas debutimit historik kundër Sllovenisë, tani është radha e debutimit historik si nikoqir kundër Ukrainës.
Le ti dëshmojmë botës edhe një herë se Kosova di të organizojë evente të rëndësishme dhe atë në mënyrën më të mirë të mundshme dhe se sporti është ambasadori më i mirë i këtij vendi.

Për këtë arsye Federata e Basketbollit e Kosovës është mobilizuar maksimalisht në cdo aspekt për ndeshjet nikoqire dhe tani ka nevojë vetëm që palestra të shtunën të jetë e stërmbushur dhe që djemtë tanë ta ndijnë mbi supe dhe në krahror mbështetjen e të gjithëve. Të shtunën të gjitha rrugët të çojnë në “Minatori”…