KERASAN-BOREA
BOROZANI/A. P.
Borea arrin fitoren historike në Superligë
21 October, 2017 @21:57
Borea e Pejës ka shënuar fitoren e parë dhe historike në Superligë të Kosovës sonte, duke e mposhtur Kerasan Prishtinën si mysafire 77-80.
Ndeshja ka qenë me dy çerekë të parë të ndryshëm, ku njëri i takoi vendasve, tjetri mysafirëve, për t’u përfunduar pjesa e parë 37-38 në të mirë të mysafirëve.
Pjesa e dytë shkoi krejtësisht barabartë, derisa në 30 sekondat e fundit të ndeshjes, kur ishte rezultati 72-80 në të mirë të Boreas, Kerasani zvogëloi epërsinë në 75-80 përmes treshes sëArbnor Halitit.
Në akcionin tjetër Shpend Gashi i Boreas humbi 2 gjuajte të lira, që bëri fundin edhe më dramatik, ndërsa Kerasani me Kujtim Ujkanin humbi 2 gjuajtje tjera të lira në 15 sekondëshin e fundit të ndeshjes. E në tentimin e dështuar për tre pikë nga Kujtim Sadiku, Gent Shala merr kërcimin, për të shënuar 6 sekonda para fundit të ndeshjes për rezultatin përfundimtar 77-80.
Me këtë fitore, Borea shkruan historinë e klubit, duke e regjistruar të parën në elitë, ndërsa tash ka bilancin 1-3 në Superligë, sikurse Kerasani.
PERFORMANCAT INDIVIDUALE
Më të dalluarit te Borea sonte kanë qenë Blendi Matoshi, që ka kryer ndeshjen me double-double prej 21 pikëve dhe 13 kërcimeve si dhe Sami Hajzeri e Shpend Gashi që kanë shënuar nga 15 pikë secili. Hajzeri ka kontribuuar me 7 asistime tjera si dhe Hajzeri me 6 kërcime, derisa edhe Allen Idrizaj kreu ndeshjen me pikë dyshifrore duke dhënë 12 pikë për skuadrën e tij.
Te Kerasan Prishtina Gent Shala ka shënuar 17 pikë e 7 kërcime, ndërsa Rinor Ahmeti ka përfunduar ndeshjen me double-double prej 14 pikëve dhe 13 kërcimeve, e Kreshnik Muçolli ka shtuar 14 pikë.
Në xhiron që vjen, Kerasan Prishtina luan si mysafir i Rahovecit, ndërsa Borea pret të fundosurin e Superligës, Trepçën.