Cana vlerësohet lartë

Skuadra e Lazios është mposhtur nga Torino me rezultat minimal 1-0, në ndeshjen ku shkëlqeu futbollisti i kombëtares shqiptare, Lorik Cana.

Cana, i cili në këtë ndeshje luajti si qendërmbrojtës është vlerësuar me notën më të lartë nga skuadra e tij.

Ai që nga minuta 16 mbeti i vetmuar në zemrën e mbrojtjes, pasi partneri i tij qendërmbrojtës, Mickael Ciani, u ndëshkua me karton të kuq.

Paraqitja e mirë e Canës është vlerësuar nga faqja goal.com me notën 3.5, duke u zgjedhur futbollisti më i mirë te pala humbëse, ndërsa vlerësim të njëjtë ka pasur edhe faqja whoscored.com, e cila e notoi gjakovarin 29 vjeçar me notën 8.3.