TOTTI
REUTERS/Alessandro Garofalo
Ulkonja afër Europës
17 March, 2013 @23:32
Ulkonja romake ka filluar t’i tregojë dhëmbët. Fitorja e sontme ka qenë e katërta në pesë ndeshjet e fundit dhe ekipi i udhëhequr nga Aurelio Andreazzoli ka hyrë në seri të pamposhtmërisë dhe luftë për një vend që dërgon në Europë stinorin tjetër.
Erik Lamela ka shënuar në minutën e shtatë të ndeshjes për të siguruar golin e epërsisë dhe për të vazhduar të qetë ndeshjen, derisa kapiteni legjendar, Francesco Totti ia ka dhënë vulën fitores me golin e tij në minutën e 70-të të ndeshjes.
Roma tash ka 47 pikë dhe ka kërcyer në pozitën e pestë sa ka edhe Interi me një ndeshje më pak si dhe Lazioja e Lorik Canës që humbi sonte në Torino.
SERIE A, SONTE:
| Roma - Parma | 2-0 | ||
| Torino - Lazio | 1-0 | ||
| Sampdoria - Inter | u shty |
