Celina nën vëzhgimin e afërt të Guardiolas

Paraqitjet e mira në ndeshjet e fundit të Bersant Celinës me skuadrën holandeze, Twente, ka tërhequr vëmendjen e trajnerit të Manchester Cityt, Pep Guardiola.

Celina është i huazuar në Twente pikërisht nga Manchester City, ndërsa këtë fundjavë do të ketë ndeshje të rëndësishme në kampionatin holandez ku do të luajë kundër skuadrës PSV Eindhoven.

Për këtë ndeshje, Guardiola i ka dërguar asistentët e tij që ta vëzhgojnë nga afër talentin kosovar.

Prestigjiozja britaneze, Daily Mail, shkruan se tekniku spanjoll është mahnitur nga loja e Bersant Celinës dhe është duke shqyrtuar mundësinë që ta inkuadrojë atë në skuadrën e Cityt për vitin e ardhshëm.

Celina në shtatë ndeshje të zhvilluara deri më tani me Twenten në kampionatin holandez, ka regjistruar 4 gola dhe 1 asistim.