SOUTHAMPTON - INTER
in’TERR!
3 November, 2016 @22:56
Pas humbjes nga Sampdoria në fundjavë, Interi është mposhtur edhe nga Southamptoni në Europa League, duke bërë kështu që punët për Interin të komplikohen edhe në Grupin K, grup ku tashmë Interi ndodhet në vendin e fundit dhe ka pak gjasa për kualifikim.
Pas shkarkimit të holandezit De Boer, Interi sonte u drejtua nga Stefano Vecchi, trajner i caktuar përkohësisht deri në emërimin e një trajneri tjetër.
Ndeshja filloi mirë për Interin me golin e epërsisë që erdhi nga Icardi, mirëpo më pas Southamptoni e dominoi takimin dhe shënoi 2 herë, për ta thelluar ‘terrin’ e skuadrës nga Milano. Për më tepër, anglezët shpërdoruan edhe një penallti në fundin e pjesës së parë.
Se a do të jetë në gjendje ta shpëtojë Interin trajneri i ardhshëm mbetet të shihet, mirëpo për momentin kriza është e thellë!
GRUPI K
| 1 | Sparta Prague | 9 pikë | ||
| 2 | Southampton | 7 pikë | ||
| 3 | H.Beer Sheva | 4 pikë | ||
| 4 | Inter | 3 pikë |
