Thellohet kriza e United, mposhtet edhe në Turqi

Në takimin e luajtur në një atmosferë elektrizuese në Stamboll sonte, United u mposht nga skuadra e Fenerbahçes.

Ndeshja filloi shumë mirë për skuadrën turke, e cila kaloi në epërsi që në minutën e dytë me supergolin me gërshërë nga Moussa Sow. Më pas, United e kishte kontrollin e lojës, mirëpo përkundër posedimit, raste konkrete për shënim nuk kishte. Për më tepër, gjërat u vështirësuan pas lëndimit të Paul Pogbas, i cili u detyrua të largohej nga loja për shkak të lëndimit.

Në pjesën e dytë, golin e para e gjeti përsëri Fenerbahçe, me anësorin Lens që shënoi nga gjuajtja e lirë dhe më pas gjërat u vështirësuan për klubin e Jose Mourinhos. E tëra çfarë mund të bënte United, ishte një gol i nderit nga Wayne Rooney, i cili shënoi nga distanca për rezultatin përfundimtar 2-1.

Kjo fitore vjen në momentin e duhur për holandezin Dick Advocaat, i cili kohëve të fundit është pre e mediave turke, të cilat vazhdimisht flasin për shkarkimin e tij.

Pas fitores së shënuar sonte nga Feneri dhe barazimit në ndeshjen tjetër mes Zoryas e Feyenoordit, grupi A kryesohet nga Feyenoordi me 7 pikë, aq sa ka edhe Feneri, ndërsa United mbetet me 6 pikë në vendin e tretë.

All Goals - Fenerbahce 2-1 Manchester United… by FootballLiveGoals