LLAPI - PRISHTINA
Edhe Llapi me Prishtinën barazojnë
3 November, 2016 @14:39
As në ndeshjen e gjashtë të xhiros së XII në Superligë nuk ka fitues.
Dueli ndërmjet dy skuadrave të pjesës së epërme të tabelës, Llapit dhe Prishtinës, ka përfunduar me rezultat pa gola, 0-0.
Rasti më i mirë në ndeshje ishte në minutën 44’ kur sulmuesi i Llapit, Florim Bërbatovci, tenton nga afërsia, mirëpo goditja e tij ndalet në shtyllën e portës së Alban Muçiqit.
Rastet tjera nuk ishin edhe aq të rrezikshëm sa për të shënuar nga të dyja skuadrat dhe kështu ndeshja përfundoi me rezultatin fillestar.
Me këtë rezultat, Prishtina nuk arrin të shënojë fitore ndaj Llapit në Podujevë as pas 17 viteve, pasi që për herë të fundit kur e kishte mposhtur në stadiumin “Zahir Pajaziti” ka qenë në shtator të vitit 1999.
