CELTA-GENK
Foto: europaleague
Celta fiton, por Genk shpreson
13 April, 2017 @22:58
Celta Vigo ka arritur të rikthehet shpejtë dhe fuqishëm pas golit të befasishëm të pësuar nga Genk në minutën e 10 të takimit.
Pione Sisto dhe Iago Aspas rikthyen menjëherë ndeshjen, duke shënuar për 2-1, ndërsa pak para fundit të pjesës së parë, John Guidetti siguroi epërsinë komode para pushimit, 3-1.
Sidoqoftë, Genk ka mbetur në lojë për gjysmëfinale të Europa Ligës, pasi që në pjesë të dytë shënoi me Thomas Buffelin për 3-2.
5 gola dhe një ndeshje shumë e bukur u zhvillua pranë Atlantikut, derisa ekipet barten për 90 minutat përcaktuese në Belgjikë të enjten tjetër, ku Genk përmes atmosferës që krijojnë tifozët e saj, pret të sigurojë gjysmëfinalen.
All & Goals & Highlights - Celta Vigo 3-2… by footballtvvideos
