Chelsea zyrtarizon Bakayokon

Pak më parë, kampioni i Anglisë Chelsea, e zyrtarizoi mesfushorin e Monacos, Tiemoue Bakayokon, pas kryerjes së testeve mjekësore.

Mesfushori francez do ta bart numrin 14 te Chelsea dhe ka nënshkruar kontratë pesë vjeçare me skuadrën londineze, derisa lidhur me transferimin e tij tha:

“Jam shumë i lumtur që gjendem këtu, jam rritur duke shikuar ndeshjet e Chelseat, transferimi ishte i bukur për mua, ngase që nga fëmijëria e kam dashur këtë klub. Tani do të fokusohem për t’u zhvilluar më shumë me një trajner fantastik dhe afër bashklojtarëve fenomenal që i kam”.