FA CUP: 1/32
City s’lejon befasi, përmbys Burnleyn dhe kualifikohet
6 January, 2018 @17:54
Ndonëse ishte në disavantazh 0-1 pas pjesës së parë, City ka reaguar në pjesën e dytë dhe ka shënuar plot 4 herë, për ta përmbysur rezultatin dhe për ta fituar 4-1 ndeshjen ndaj Burnleyt.
Kjo fitore ia siguron Cityt plasmanin në 1/16 e finales së FA Cup, ndërsa Burnley aventurën e tij në FA Cup e mbyll në raundin e tretë të kësaj gare.
Përveç Cityt, nga ndeshjet e luajtura sot e dje skuadrat që tashmë e kanë siguruar kualifikimin në 1/16 e finales janë: Liverpool, Manchester United, Middlesbrough, Preston, Yeovil, Watford, Newcastle, Millwall, WBA, Coventry, MK Dons, Sheffield United, Southampton, Rochdale, Notts County, Huddersfield, Hull City, Birmingham dhe Peterborough.
Përveç ndeshjeve që nuk janë luajtur ende, ndeshjet që kanë përfunduar baraz do të riluhen në stadiumin e skuadrës që në ndeshjen e parë ka qenë mysafire.
