KAMPIONI
Cleveland fiton pa Irvingun
3 January, 2017 @9:25
Mungesa e yllit Kyrie Irving, nuk është vërejtur te kampioni aktual i NBA-së, Cleveland Cavaliers, ndaj New Orleans Pelicansit.
Irving për shkak të lëndimit nuk ishte në parket, derisa Cavs, e mposhti kundërshtarin me rezultat 90-82.
Superylli LeBron James, shkëlqeu me 26 pikë, 7 kërcime e 6 asistime, derisa u ndihmua edhe nga Channing Frye me 14 pikë të tjera.
Ndërsa në anën tjetër, nuk mjaftoi performanca e Anthony Davisit, me 20 pikë 17 kërcime e 3 bllokada.
Cleveland, po vazhdon kryesimin në Konferencën Lindore me 25 fitore e 7 humbje deri më tani.
