GAME 2: WARRIORS - CLIPPERS
FOTO/ nba
Clippers në histori të NBA-së, barazohet seria
16 April, 2019 @9:43
Skuadra e dytë nga Los Angelesi, Clippers, sot në mëngjes ka bërë një rikthim që nuk kishte ndodhur ndonjëherë në histori të Play Offit.
Nga disavantazhi prej 31 pikëve, djelmoshat e trajnerit Doc Rivers, arritën ta mposhtin kampionin aktual Golden State Warriors me rezultat 131-135.
Një rikthim të tillë nuk e ka bërë asnjë skuadër deri më tani në histori të NBA-së në Play Off.
Në këtë rikthim luajti rolin kryesor, Lou Williams. Ai shkëlqeu me 36 pikë e 11 asistime, derisa u ndihmua edhe nga Montrezl Harrell me 25 pikë të tjera.
Te Warriorsat nuk mjaftuan 29 pikët e Stephen Curryt dhe 21 të Kevin Durantit për fitore.
Tani seria u barazua në 1-1. Ndeshja e tretë do të luhet në Staples Center të Clippersave më 19 prill në ora 04:30.
