Coutinho te Barcelona, marrëveshja pranë kompletimit

Pas mungesës në dy ndeshjet e fundit të Liverpoolit dhe raporteve të shumta që është shumë pranë Barcelonës, tashmë duket që me të vërtetë Coutinho do të largohet nga ‘Anfield Road’.

James Pearce, reporter zyrtar i klubit anglez, ka postuar në llogarinë e tij zyrtare në Twitter që Coutinho do të transferohet te Barcelona për 160 milionë euro. Braziliani do të udhëtojë drejt Spanjës për ta kompletuar marrëveshjen, ndërsa Liverpooli në anën tjetër do të udhëtojë për pushime në Dubai.

Përveç reporterit zyrtar të Liverpoolit, James Pearce, ky lajm tashmë është shpërndarë edhe nga mediat spanjolle, por klubet në fjalë nuk e kanë zyrtarizuar ende marrëveshjen.