MIRRET VENDIMI
Daliu përjetësisht jashtë basketbollit
25 November, 2019 @22:59
Komisioni Disiplinor i Federatës Shqiptare të Basketbollit pas incidentit të rëndë të shënuar në ndeshjen Teuta-Tirana, ku basketbollisti Bruno Daliu goditi dhe shqelmoi gjyqtarin Jurgen Muho, ka marrë vendim për përjashtim nga basketbolli për lojtarin.
Në dokumentin e siguruar nga TopSporti.com bëhet e ditur se Daliu përjashtohet nga të gjitha aktivitetet e basketbollit. Ai dënohet me 150 mijë lekë gjobë. Tiranës i shqiptohet vërejtja që të marrë masa ndaj lojtarëve të saj - për të mos u përsëritur kurrë një ngjarje e tillë.
Ndërsa sipas Panorama Sportit, ëshët bërë e ditur se Daliu rrezikon edhe burgun për këtë vepër, së paku 48 orë. Ndërsa menjëherë pas gjakosjes së referit, ai kishte përfunduar në pranga të policisë së Durrësit.
Daliu 34 vjeç vite më parë ka luajtur edhe në Superligën e Kosovës në basketboll.