FESTA
“Dardanët” motivojnë futbollistët e Kosovës
20 March, 2017 @22:18
Dita e parë e grumbullit të lojtarëve të përfaqësueses së Kosovës po kalon në festë.
Pjesa më e madhe e futbollistëve ka arritur në Prishtinë, ndërsa atmosferë lojtarëve dhe stafit të Kosovës i kanë bërë “Dardanët” me këngë të ndryshme tifozerike dhe motivuese para ndeshjes të së premtes ndaj Islandës.
Futbollistët po duken të bashkuar dhe në humor të mirë para udhëtimit për në Shkodër, ku do të vazhdojnë me stërvitjet e fundit para ndeshjes së rëndësishme për vendin.
Mërgim Vojvoda së fundi ka arritur, ndërsa ky ka qenë postimi i tij i fundit para se të arrijë në Kosovë.
Lista e futbollistëve të Kosovës duket premtuese, ndërsa mungesat e rëndësishme të Islandës japin shpresa për verdhekaltërit.
Sidoqoftë, pritet të shihet 11-shja e së premtes të cilën Albert Bunjaki do ta hedh në fushë në duelin e pestë të Grupit I kualifikues për Botërorin Rusia 2018.
Deri të premten, stërvitje dhe atmosferë të këndshme djem!
