Derbi i Final 8: Bashkimi-Trepça, sonte

Dueli që pritet të jetë më interesanti i Final 8 të Kupës së Kosovë do të zhvillohet sonte ndërmjet Bashkimit dhe Trepçës.

Loja nis në ora 19:45 (zhvillohet në: Suharekë) dhe i përket çerekfinales së Kupës, ndërsa fituesi siguron Final Fourin.

Shiko: SKEMA E KUPËS

Bashkimi së fundi ka rikthyer trajnerin Dragan Radovic në ekip, ndërsa ka njoftuar edhe për ardhjen e Ergin Groshës.

DUELET E DERITASHME

Sa i përket dueleve të këtij stinori në Superligë, Bashkimi dhe Trepça, deri tash janë takuar dy herë në Superligë dhe secila ka fituar si vendas.

DEKLARATAT:

Ndërkaq, në deklaratat e tyre para ndeshjes, kapitenët e ekipeve kanë thënë:

Qëndrim Biraj, kapiten i KB Bashkimi: “Unë besoj se do të jetë një atmosferë e mirë dhe se nuk do të mungoj basketbolli cilësor. Ne jemi përgatitur maksimalisht. Sidoqoftë ne së pari duhet të mendojmë për Trepçën, të cilën skuadër ne e njohim mjaft mirë. Nëse e kalojmë këtë pengesë besoj se do t’ia dalim që më sukses të vazhdojmë deri në finale, e pse jo edhe të mos e fitojmë Kupën e Kosovës”.

Arian Tahiri, kapiten i KB Trepça: “Nuk do ta kemi lehtë kundër Bashkimit në çerekfinale, por ne jemi përgatitur maksimalisht, andaj ne do të hyjmë në këtë ndeshje me synimin për të fituar dhe për të vazhduar tutje garën në këtë turne. Pres që rivaliteti të jetë i madh dhe të të gjitha skuadrat të dëshmojmë basketboll cilësor”.