Derbi pa rivalitet, i Prishtinës

Sigal Prishtina ka kaluar tepër lehtë kundërshtarin e radhës në Superligë, në ndeshjen që dikur ishte derbi, e në vitet e fundit vetëm quhet ashtu. 

Bashkimi i pafuqishëm, derisa Bavcic e Berisha shkëlqenin

Bashkimi ka qenë plotësisht i pafuqishëm karshi prishtinasve kampionë, derisa që në çerekun e parë ata ranë në minus prej 12 pikëve. 

Përkundër se njëfarë këndellje pasoi në çerek të dytë, kjo ishte e tëra nga prizrenasit të cilët u dënuan me 18+ në çerek të tretë për finish të lehtë të ekipit të Sabit Hadzicit. 

Qendra boshnjake, Edin Bavcic, ishte koshashënuesi i ndeshjes sonte, duke shënuar 25 pikë, prej të cilave 3 treshe, derisa Dardan Berisha regjistroi double-double prej 18 pikëve dhe 13 asistimeve sonte në fitoren e ekipit të tij. 

Hadzic i dha mundësi të gjithë basketbollistëve të paraqiten në ndeshje, përveç Kushtrim Sadikut, derisa nga banka më së shumti kontribuoi Leonad Mekaj me 8 pikë të shënuara. 

Dixon, natë për tu harruar

Ndalja e Endrit Hysenagollit, ndoshta ka qenë arsyeja kyqe e uljes së efikasitetit të Bashkimit. Qendra shqiptare u ndalë në 9 pikë, derisa as ndihmësi i tij amerikan Tawaski King, nuk arritit të ndihmojë më shumë - me 11 pikë të shënuara. 

Koshashënuesi më i mirë te portokallezinjtë ishte Kreshnik Juniku që shënoi 18 pikë për ekipin. Derisa amerikani Spencer Dixon, nga 8 tentime gjatë ndeshjes nuk qëlloi asnjëherë koshin kundërshtar duke përfunduar ndeshjen pa pikë të shënuar. 

Prishtina vazhdon të jetë lidere e Superligës, derisa Bashkimi ka regjistruar disfatën e katërt të stinorit. 

REZULTATET, TABELA AKTUALE

Statistikat ekipore

	SIGAL PRISHTINA	BASHKIMI
Çereku i parë	31	19
Çereku i dytë	15	20
Çereku i tretë	30	12
Çereku i katërt	16	18
Kërcime	32	30
Asistime	28	22
Bllokada	7	1
Topa të vjedhur	9	6
Topa të humbur	12	10
Tentime për tre pikë	7/21	6/16
Tentime nga loja	34/57	28/71
Gjuajtje të lira	17/18	7/10

Statistikat individuale te Sigal Prishtina

1	Edin Bavcic	25 pikë	4 kërcime	2 asistime
2	Dardan Berisha	18 pikë	13 asistime	2 kërcime
3	Edmond Azemi	15 pikë	5 kërcime	5 asistime
4	Blerim Mazreku	15 pikë	4 kërcime	3 bllokada
5	Leonard Mekaj	8 pikë	3 kërcime	1 asistim
6	Jordan Hulls	7 pikë	6 asistime	2 kërcime
7	Gary McGhee	2 pikë	9 kërcime	2 bllokada
8	Muhamed Hasani	2 pikë	2 kërcime

Statistikat individuale te Bashkimi

1	Kreshnik Juniku	18 pikë	1 kërcime	1 asistim
2	Tom Tankelewicz	15 pikë	6 kërcime	4 asistime
3	Tawaski King	11 pikë	5 kërcime	1 asistim
4	Endrit Hysenagolli	9 pikë	9 kërcime	1 asistim
5	Qëndrim Biraj	9 pikë	4 asistime	2 kërcime
6	Adnan Mustafa	7 pikë	2 asistime	1 kërcim