‘Die Welt’ ia huq me Shqipërinë

Ditorja gjermane “Die Welt” ka bërë një ilustrim me ‘emoji’ (ideograme e emocione që përdoren në mesazhe elektronike dhe web faqe) të reprezentacioneve të kualifikuara në EURO 2016. 

Mirëpo si duket me Shqipërinë ia kanë huqur duke futur dy koka pinguinësh në vend të shqiponjave, nëse kanë menduar këtë. Për më tepër, Shqipëria përveç me dy koka pinguinësh është identifikuar edhe me një rreth të kuq që duket se simbolizon ngjyrën e flamurit si dhe një shpërthim, që mund të shpjegohet si shpërthim për kualifikim të parë në histori të europianeve. 

Shqipëria është në Grupin A në pozitën 3. Po ta shikoni Francën (Grupi A, pozita 1) lehtë mund ta identifikoni përmes gjelit, verës, bicikletës dhe kullës së Ajfellit. E njejta vlen edhe për Rumaninë e Zvicrën si dhe për shumë vende tjera. 

Në më të mirin mendim, shpresojmë që kanë menduar për dy krenat e shqiponjës në flamur dhe e kanë futur këtë ‘emoji’ nga Die Welt. Përndryshe, po ta kërkoni në Google, kjo simbolizon pinguinin.