KOSOVA - ISLANDA
Pamje nga mëngjesi i sotëm. Stadiumi "Loro Boriçi" - Shkodër
Dita e ndeshjes, Kosova kërkon historinë
24 March, 2017 @10:05
Pas shumë ditëve pritje, më në fund ka ardhur dita e ndeshjes!
Në ‘Loro Boriçi’ të Shkodrës Kosova sonte e pret Islandën, në një takim ku përkundër kualiteteve dhe përvojës islandeze, Kosova niset me vetëbesim dhe me shpresë për rezultat pozitiv.
Pas 4 ndeshjeve të luajtura në Grupin I, Kosova ka 1 barazim ndaj Finlandës dhe tri humbje ndaj Kroacisë, Ukrainës dhe Turqisë, ndërsa sonte përfaqësuesja e drejtuar nga Albert Bunjaki e kërkon historinë, duke shpresuar në fitoren e parë në kuadër të ndeshjeve ndërkombëtare.
Një natë para ndeshjes, kuota e fitores së Kosovës është ngritur në 9.25, edhe pse ditë më parë kishte rënë deri në 7.50.
