Dortmund qartëson situatën e Dembeles

Pasi që po kërkohet nga Barcelona dhe Real Madridi, Ousmane Dembele, ka munguar në stërvitje të ekipit të Borussia Dortmundit disa ditë, ndërsa së fundi nuk ka qenë pjesë e ekipit në ndeshjen e Kupës së Gjermanisë që Dortmund e fitoi 4-0 ndaj Rielasingenit.

E Borussia Dortmund më në fund ka vendosur se çka do të bëj me lojtarin, të cilin nuk dëshironte ta shiste fillimisht.

“Ne jemi të fokusuar që si ekip të përgatitemi sa më mirë për stinorin e ri të Bundesligës, ndaj Wolfsburgut. Ousmane Dembele, natyrisht, mbetet i suspenduar deri në njoftimin e ardhshëm. Por, ka mundësi që të bëj stërvitje individuale,” ka thënë Michael Zorc për bvb.de.

Ousmane Dembele është reprezentues i Francës, ndërsa llogaritet si një supertalent i së ardhmes, e aktualisht ka 20 vjet.