Kualifikohen pas penalltive

Borussia Dortmund ka përjetuar triller në ndeshje ndaj Hertha Berlinit sonte në kuadër të Kupës së Gjermanisë.

Ekipi i Thomas Tuchelit ishte në disavantazh pas golit të Salomon Kalousë për kryeqytetasit, por ata u ritkthyen në lojë përmes Marco Reusit.

Ndeshja shkoi në vazhdime, pasi që në 90 minuta nuk kishte më gola dhe mbeti rezultati 1-1. Golat nuk erdhën as në vazhdime dhe penalltitë vendosën fituesin dhe ekipin që u kualifikua tutje në Kupë.

Ousmane Dembele, Pierre Emerick Aubameyang dhe Gonzalo Castro shënuan për Dortmundin nga pika e bardhë, derisa Christian Pulisic dështoi.

E te Hertha, vetëm Alexander Esswein dhe Sami Allagui shënuan penalltitë, derisa dështuan të shënojnë: Fabian Lustenberger, Vladimir Darida dhe Salomon Kalou.

Përveç Dortmundit, skuadrat e tjera çerekfinaliste janë: Bayerni, Armenia Bielefed, Borussia Monchengladbach, Hamburgu, Lotte, Schalke dhe Eintracht Frankfurti.

All Goals & highlights HD - Dortmund 1-1 Hertha… by riqezi