Drejt Rumanisë për fitore!

Me fillim nga ora 17:00, sonte në kuadër të fazës parakualifikuese për Eurobasket 2021, Kosova do të përballet me Rumaninë në qytetin Oradea.

Kosova aktualisht gjendet në pozitën e dytë në Grupin B, derisa kjo ndeshje ka rëndësi të madhe për të shpresuar në kualifikimin për në fazën tjetër.

Fituesi i këtij grupi do ta arrijë fazën kualifikuese drejt Eurobasket 2021, fazë e cila do të fillojë në nëntor të vitit të ardhshëm, kurse dy kombëtaret e tjera kanë edhe një shans tjetër për t’u kualifikuar, por nëpërmjet një raundi shtesë që do të luhet në gusht të vitit 2019.

TABELA AKTUALE

Kosova pas ndeshjes së sontme me Rumaninë, më 2 dhjetor në Gjevgjeli do të përballet me Maqedoninë, derisa ndeshjen e fundit të grupit do ta luaj kundër Rumanisë në Prishinë më 24 shkurt 2019.