Drejtësia u vë në vend

Presidenti i Federatës Shqiptare të Futbollit, Armando Duka, është treguar mjaftë i emocionuar në konferencën për shtyp, të organizuar menjëherë pas vendimit zyrtar të Gjyqatës së Arbitrazhit Sportiv, që ia siguroi fitoren në tavolinë Shqipërisë për ndeshjen kundër Serbisë që u luajt në Beograd.

“Jam shumë i emocionuar, edhe pse e prisja këtë vendim. Fitoi e drejta dhe futbolli. Nuk dua të gjykoj për klasifikimin dhe nuk dua të diskutoj nëse do të shkojë apo jo Shqipëria në Europian. Rëndësi ka që drejtësia u vë në vend. Rëndësi ka që nuk bëhet fajtore Shqipëria për atë ndeshje. Duhet të bëjmë maksimumin në 4 ndeshje, pasi janë ndeshje që mund t’i fitojmë të gjitha ose mund t’i humbim të gjitha,” tha Duka, transmeton Top Channel.

Fitorja e Shqipërisë në tavolinë, e ka ngjitur ate në pozitën e dytë në grup me gjithsej 10 pikë në katër ndeshje, njëjtë sikurse edhe Danimarka që ka një ndeshje më shumë.

TABELAT AKTUALE NË KUALIFIKET PËR EURO 2016.