DRITA
Drita aranzhon katër ndeshje në Antalya
20 January, 2021 @17:03
Skuadra e Dritës sot ka ateruar në Antalya të Turqisë ku do të qëndrojë me qëllim të përgatitjes për gjysmëstinorin e dytë.
Ekipi tashmë është i vendosur në IC Green Hotel në Lara të Antalyas.
Gjatë kohës sa do të qëndrojë në Antalya, Drita do t’i zhvillojë katër ndeshje, prej tyre tri miqësore dhe një ndeshje e Superkupës që do të luhet më 23 janar kundër Prishtinës.
Ndeshja e Superkupës pikërisht do të jetë ballafaqimi i parë për gjilanasit në Turqi.
Kundërshtarët dhe datat e ndeshjeve tjera kontrolluese pritet të bëhen të ditur në ditët në vijim.
Sikurse Drita, edhe Prishtina do t’i zhvillojë tri ndeshje kontrolluese në Antalya.