DRITA - FLAMURTARI
Drita përkohësisht lidere, pret gabimin e Ballkanit
6 June, 2020 @17:59
Skuadra e gjilanase Drita, është rikthyer nga pandemia me fitore që e ngjitë në kreun e tabelës.
Me golin e shënuar në minutën e 26’ me Astrit Fazliun, Drita e mposhti Flamurtarin me rezultat minimal 1-0.
Fazliu e shënoi golin me kokë, pas një harkimi të saktë të Xhevdet Shabanit.
Pjesa e dytë e ndeshjes kaloi në kontrollin e Dritës, dhe goli i pjesës së parë mjaftoi për 3 pikët e radhës.
Drita me 46 pikë përkohësisht ngritet në pozitën e parë, derisa pret gabimin e Ballkanit që do të luaj kundër Drenicës nesër, kurse Flamurtari me 28 pikë gjendet në pozitën e tetë.
Në xhiron tjetër Drita takohet me Trepçën ‘89, derisa Flamurtari me Ballkanin.