LIDERJA E PJESËS VJESHTORE PËRFORCOHET
Drita prezanton Agyaren dhe nis punën me trajnerin e ri
5 January, 2023 @22:05
Liderja e pjesës vjeshtore në Superligë, Drita, ka prezantuar sot mbrojtësin nga Gana, Benjamin Agyare. Futbollisti që ka qenë pjesë e Dritës më parë, u huazua te Drenica gjatë pjesës vjeshtore të stinorit, ndërsa tash kthehet te ekipi amë i tij.
Futbollisti 28-vjeçar ka luajtur 13 ndeshje në Superligën e Kosovës me fanellën e Drenicës gjatë pjesës vjeshtore të këtij stinori, ndërsa në pranverë do të mbrojë ngjyrat e Dritës që sot ka nisur punën me trajnerin e ri Arsim Thaqi.
Puna me Arsim Thaqin ka nisur sot, ndërsa Drita në njoftim ka shkruar shkurt në gjuhën angleze: sezoni i ri, qëllimet e njëjta.