Duam Superkupën!

Në një bisedë me të përditshmen tiranase, kapiteni i përfaqësueses shqiptare dhe qendërmbrojtësi i Lazios, Lorik Cana, ka kërkuar nga ekipi i tij që stinorit t’ia nisin me trofe. 

Lazio siç dihet do të luaj në finale të Superkupës italiane ndaj kampionit të Italisë, Juventus. 

“Pas dy vitesh pozitive, ku fituam një trofe të rëndësishëm dhe treguam se meritojmë një vend të Europa League, tani synimi është Liga e Kampionëve dhe Superkupa. Edhe pse kundërshtar e kemi ekipin më të mirë të Italisë, ne do të provojmë t’i mposhtim ata,” ka thënë Cana, raporton e përditshmja tiranase. 

Superkupa italiane luhet ndërmjet fituesit të titullit dhe të kupës italiane. Ndeshja Juventus-Lazio është paraparë të luhet me 10 gusht.