Duele interesante në xhiron e parafundit

Xhiroja e parafundit e stinorit të rregullt të Superligës nis të shtunën, ka bërë të ditur në njoftimin e saj Federata e Basketbollit të Kosovës, FBK, sot. 

Kështu, janë përcaktuar terminet dhe gjyqtarët e ndeshjeve për takimet e parafundit të stinorit, para se të fillojë Play-Offi. 

Të shtunën, Sigal Prishtina do të takohet me Yllin, që pritet ta ketë edhe kundërshtar në gjysmëfinale të Play-Offit, ndërsa Peja pret Vëllaznimin që befasoi xhiron e shkuar Bashkimin në Prizren. 

Të dielën luhen dy ndeshje tjera, ku Trepça pret Bashkimin në derbin e ditës, derisa Besa-Kastrioti do të luftojnë për të siguruar Play-Outin e Superligës, në derbin e fundit të tabelës.

Ndeshja Besa-Kastrioti pritet të jetë vendimtare për të përcaktuar fatin e dy skuadrave në fjalë. 

Aktualisht Besa është duke udhëhequr në përballje me 2-1, ndërsa ka koshaverazh +18, që do të mund të hyjë në llogari nëse fitojnë ferizajasit. Nëse fiton Besa, Kastrioti përshëndetet nga elita. 

Tabela aktuale e Superligës dhe ndeshjet

Orari i xhiros së XXVII: