DRENICA 0-1 BALLKANI
E treta radhazi, Ballkani ruan kreun
4 December, 2021 @17:03
Me rezultat minimal, falë golit të qendërmbrojtësit me përvojë Bajram Jashanica, Ballkani ka arritur të shënojë fitore ndaj Drenicës si mysafir sot dhe të ruaj kreun e Superligës.
Suharekasit kanë arritur të shënojë fitore në një terren të vështirë, për të marrë tri pikët e merituara në fund, me 0-1 [Bajram Jashanica 50] përfundimtare.
Ballkani i drejtuar nga Bekim Isufi ka dominuar pjesën më të madhe të takimit, ndërsa raste për shënim ka pasur edhe Meriton Korenica e Theo Solomon.
Në anën tjetër Drenica përkundër mundit, nuk arriti të rrezikojë seriozisht portën e Stivi Frashërit.
Me fitore, Ballkani qëndron në krye të Superligës edhe këtë xhiro, derisa pret fitore edhe në përballjen e fundit të stinorit vjeshtor për tu bërë “kampion” vjeshtor i Superligës.
Drenica në anën tjetër ka pësuar humbjen e gjashtë me radhë në Superligë!
