GJILAN
BOROZANI/D.S.
Edhe Gashi te Gjilani
16 July, 2015 @22:18
Skifterat e Gjilanit po numërojnë përforcimet, ndërsa kryesia paralajmëron tjera. Talenti i Prishtinës, që në stinorin e kaluar luajti si huazim te Drenica, Dren Gashi, është përforcim i radhës te Gjilani.
Njoftimin e ka zyrtarizuar faqja zyrtare e Gjilanit në Facebook, derisa drejtori sportiv i klubit Agron Korça përveç kënaqësisë për marrëveshjen e arritur ka thënë se ky nuk do të jetë përforcimi i fundit i skuadrës.
Gashi ka shënuar 5 gola për Drenicën në stinorin e shkuar, derisa sulmuesi 21 vjeçar është njëri ndër sulmuesit premtues të Superligës.
Ai pritet të debutojë me Gjilanin në superderbin e Anamoravës kur Gjilani takohet me rivalin lokal, Dritën.
Video
Dren Gashi, stinori 2014/15 te Drenica dhe golat
