SHTOHET KONKURRENCA NË EKIP
Edhe më të fortë
4 January, 2016 @13:45
Arda Turan dhe Aleix Vidal tashmë janë regjistruar si lojtar të ri të Barcelonës dhe pritet që të debutojnë në përballjen e Kupës së Mbretit ndaj Espanyolit këtë mesjavë.
Pas dënimit nga FIFA për transferime, blerjet verore të Barcelonës nuk kanë pasur të drejtë loje për gjashtë muaj dhe nga hapja e afatit kalimtar të janarit, ata do të mund të veshin fanellat e tyre dhe të futen në fushë.
Turan, që kishte ardhë nga Atletico Madrid për 34 milionë euro ka marrë numrin shtatë në fanellë, ndërsa Vidal që erdhi nga Sevilla për 18 milionë euro ka marrë numrin 22.
