Egzon Sinani do t’i mungojë 1 muaj Prishtinës

Futbollisti i Prishtinës, Egzon Sinani, do të duhet të hyjë në operim dhe për këtë do të mungojë për rreth një muaj te ekipi bardhekaltër. FC Prishtina ka bërë të ditur sot se për shkak të lëndimit të meniskusit, Sinani 29 vjeç do të operohet dhe mungesa e tij në ekip pritet të kap rreth 30 ditë.

Qendërmbrojtësi podujevas 185 centimetra i gjatë, ka regjistruar 18 paraqitje për Prishtinën këtë stinor, ndërsa ka shënuar një gol e është ndëshkuar pesë herë me karton të verdhë përgjatë 2023/24 në Superligë.