SPECIALE
TOPSPORTI/ Gent Polloshka
Ekskluzive: Edon Maxhuni në formacion të Finlandës për ndeshjen e radhës
22 February, 2020 @16:21
Basketbollisti kosovar Edon Maxhuni do të ketë rastin që nesër të paraqitet për ekipin e parë të Finlandës në kualifikime për Eurobasket, ka kuptuar ekskluzivisht TopSporti.com nga burimet familjare të lojtarit.
Maxhuni që është ftuar edhe në ndeshjen e parë kualifikuese për Finlandën, por s’gjeti vend në 12-shen e lojës në përballje ndaj Serbisë, nesër do të ketë rastin të jetë pjesë e ekipit.
“Edoni ka arritur të futet në 12-she të reprezentacionit për ndeshje ndaj Zvicrës, shpresojmë të ketë sukses në aq minuta sa do të paraqitet,” i është thënë TopSporti.com sot.
Finlanda në Grupin E kualifikues për Eurobasket 2021 gjendet me Serbinë, Gjeorgjinë dhe Zvicrën. Duelin e parë të grupit e humbi ndaj Serbisë 58-80.
Ndërsa nesër prej orës 19:15 Finlanda, kësaj radhe me Maxhunin në ekip, është mysafire e zviceranëve, që gjithashtu janë mposhtur në ndeshjen e parë të tyre nga Gjeorgjia 96-88.
