El Pistolero qëllon Getafen në fund për fitore

Uruguajani Luis Suarez ka dalë në skenë kur ka qenë më së shumti e nevojshme për ekipin e tij Atletico Madrid dhe skuadra ka shënuar fitore ndaj Getafes si mysafir 1-2 [Mitrovic 45 - Suarez 78, 90].

Epërsia në fund të pjesës së parë e arritur nga Getafe, u përballua vështirë nga skuadra kampione derisa Suarez u aktivizua me arsenalin e tij të golave në minutat e fundit të ndeshjes dhe kështu Diego Simeone rikthen Atleticon në krye të klasifikimit të LaLigas me 14 pikë nga gjashtë ndeshje për të marrë lidershipin përkohshëm.