Elshani: Sulmuesit u mungojnë të gjitha ekipeve në Kosovë

Skuadrën e Feronikelit në ndeshjen sotme kundër Trepçës ‘89 e drejtoi trajneri Faruk Elshani.

Elshani lidhur me rezultatin pa gola në këtë ndeshje tha se skuadra e tij kishte raste të volitshme për të shënuar dhe që nuk ndjehet i kënaqur me barazimin.

RAPORTI I NDESHJES

“Ne gjithmonë hyjmë për të fituar ndeshjen. Sot u pa që kishim shumë raste. Me barazim nuk mund të them se jam i kënaqur, por çka t’i bësh, futbolli e ka kështu. Patëm shumë raste, nuk i shfrytëzuam, arritëm deri te shtylla, por jo edhe të shënojmë. Nëse vazhdohet kështu me referim që besoj se ishte i mirë, besoj se futbolli do të ecë shumë përpara”, tha ai pas ndeshjes për Artmotion.

Elshani gjithashtu foli edhe për nevojën e skuadrës së tij nëse duhet të ketë një sulmues shtesë.

“Sulmues i mungojnë të gjitha ekipeve në Kosovë, ashtu edhe te ne. Ne kemi sulmues, por duhet të përmirësohemi edhe pak. Raste po krijojmë të gjithë, siç e pat edhe ju, por duhet të përmirësohemi,” përfundoi ai.