Emre në burg!?

E përdithsmja turke, Hurriyet, ka publikuar sot njoftimin lidhur me akuzat për lojtarin turk të Atletico Madridit, Emre Belozoglu.

Në kohën kur ai luante për Fenerbahçen, Emre kishte fyer në baza raciste lojtarin e ekipit kundërshtar Trabzonspor, Didier Zokora, i cili është nga Bregu i Fildishtë. Kjo kishte ndodhur në ndeshjen e zhvilluar me 15 prill të këtij viti.

Emre ka pohuar se ka fyer Zokoran në anglishte, por ka siguruar se në fyerje nuk ka pasur asnjë komponentë raciste. Federata e futbollit turk, e kishte dënuar Emren me 2 ndeshje moslojë për shkak të fyerjeve të tij, mirëpo nuk e kishte cekur a kishte natyrë raciste në përmabajtje.

Në ndërkohë, Trabzonspor ka dorëzuar ankesën në Prokurori, kurse kjo zyre ka bërë të ditur se tash lojtari i Atleticos, Emre do të mund të vuaj dënimin prej 6 muaj deri në 2 vjet burgim, nëse vërtetohet që fyerjet të jenë raciste.