Heshtja e Terimit, i zgjoi

Burak Yilmaz, sulmues i Galatasarayit dhe i përfaqësueses turke, ka treguar për mediat turke se cila ka qenë arsyeja e rikthimit të tyre në pjesën e dytë të ndeshjes.

“Terim ka heshtur në pjesëlojë derisa ishim në zhveshtore. Ne e dimë se nëse Terim hesht, domethënë që skuadra është në rrezik të madh. Nëse nuk e prish heshtjen, e kuptojmë se s’ka çka të shtojë dhe me një shikim në sy, ne e kuptojmë se duhet lënë shpirtin në terren për të mirën e klubit,” ka thënë Yilmaz, transmeton kanali televiziv, NTV Spor.

Galatasarayit i duhej fitorja mbrëmë ndaj Bragas për të kaluar në TOP 16 ekipet më të mira të Europës në Ligën e Kampionëve, ndërsa në pjesën e parë ishin në disavantazh prej një goli. Në pjesën e dytë në fushë ishte një Galatasaray ‘tjetër’ që e riktheu ndeshjen dhe arriti kualifikimin.