Ermir Lenjani kalon te Grasshopper

Futbollisti që deri vonë ftohej rregullisht në kombëtaren shqiptare, Ermir Lenjani, pas një sezoni të suksesshëm te Sioni, sot është zyrtarizuar si lojtar i ri i Grasshopperit të Cyrihut.

Lenjani 31 vjeç ka nënshkruar kontratë dy vjeçare me ekipin zviceran, ndërsa para Sionit ai ka qenë edhe pjesë e Ligue 1 të Francës duke qenë pjesë e Rennes dhe Nantes.

Lenjani në dy sezonet e fundit me Sionin në Superligën zvicerane ka shënuar nga 6 gola për stinor, edhepse luan si mbrojtës dhe krah i mesfushës.

Përndryshe, ekipi i famshëm zviceran Grasshopper garon në Challenge League (liga e dytë e futbollit zviceran).