Felix Magath me detyë për të shpëtuar ekipin nga rënia

Njeriu që u përfol si kandidat për të qenë përzgjedhës i Kosovës në futboll, Felix Magath, është zyrtarizuar mbrëmë si trajner i ri i Hertha Berlinit në Bundesligë.

Strategu 69-vjeçar që në karrierë të tij ka drejtuar edhe Bayernin dhe njihet si rigoroz në punë, ka pranuar ofertën e bërë nga klubi i kryeqytetit gjerman, ndërsa ka nënshkruar deri në fund të stinorit - për të mbajtur ekipin në Bundesligë.

Hertha Berlin rrezikon rënien, ndërkaq shtatë xhiro para fundit të stinorit është e parafundit në renditje me 3 pikë dallim prej pozitës që siguron mbijetesën.

“Kam pasur bisedë të qartë dhe të hapur me Fredi Bobic. Të gjithë e dimë situatën ku gjindet ekipi në aspektin sportiv dhe jam i lumtur që  do të jem aty për t’i ndihmuar ekipit për të arritur objektivin, për të qëndruar në elitë. Me rëndësi është që të gjithë të fokusohemi në tetë ndeshjet e ardhshme,” ka thënë Magath.

Magath do të zëvendësojë në rolin e kryetrajnerit të skuadrës trajnerin e deridjeshëm të skuadrës, Tayfun Korkut.